اسمى انواع الحب؟؟؟؟؟؟؟

حبيته بيني وبين نفسي ) ، ( خبيته عليك إحساسي كتير لكن فاض بيا ) ، ( لو بصيت قدامك )
، كل دي أغاني عبرت عن الحب من طرف واحد وفي زيها كتيرلكن!!
يا ترى اللي ما حبش من طرف واحد بيحسها زي اللي حب من طرف واحد ؟؟؟

أنا فعلا اكتشفت إن ما فيش إحساس في الدنيا أصعب من إحساس الحب من طرف واحد هو فعلا أسمى أنواع الحب عارفين ليه هو أسمى أنواع الحب لإنك بتحب حد بكل ما فيك وهو ما يعرفش إنك بتحبه مش كده وبس ده انت كمان بتخلص له وتحافظ على كرامته زي مايكون عارف انك بتحبه وهو كمان بيحبك ، ده انت كمان بترفض انك تفتح لأي حد المجال انه يتكلم معاك في حب زي ما يكون فعلا اللي انت بتحبه من طرف واحد ده بيحبك وبيبادلك نفس الشعور ، مع انك عايش في الخيال وهو ولا حاسس أصلا بيك لكن برضه بتحبه ، عارفين سعات كمان بحس إن اللي بيحب من طرف واحد ده حبه أعلى بكتير من اللي بيحب حب عادي مكون من طرفين بيحبوا بعض وبيتبادلوا نفس المشاعر لإن اللي بيحب من طرف واحد ده بيكون متعلق جدا بحبيبه بيخاف عليه أكتر من نفسه ونفسه جدا انه دايما يكون شايفه سعيد ، لدرجة ان تكون سعادة الدنيا كلها بالنسبة له إنه يشوف حبيبه مبتسم ، وحزن الدنيا كلها في انه يبعد عن عيونه ويبقى مش شايفه ، بجد مش ممكن حد يتخيل كمية القلق والتوتر اللي بتكون على اللي بيحب ده وهو مش شايف حبيبه قدام عينيه .. بذمتكم مش فعلا ده أسمى معاني الحب وأنواعه ، ولكن بالرغم من انه أسمى أنواع الحب فهو أصعب أنواع الحب وأصعب احساس ممكن تقابله في الحب ، ممكن ناس كتير يختلفوا معايا ويقولوا إن فيه في الحب أحاسيس كتير أصعب مثلا زي الفراق في الحب ماشي أنا معاكم إن الفراق شيء صعب جدا بس تعالوا نشوف أنهي أصعب ، انت اما بتفارق حبيبك بيكون فيه أسباب تستحيل انكم تكملوا مع بعض فبتسيبوا بعض وتحاول انك تنساه ، آه في البداية الموضوع بيكون صعب مووت لكن بتبدأ تنساه مع الوقت وما بيفضلش غير الذكريات السعيدة اللي كانت بتجمعكم ، على الأقل انت ف يوم من الأيام قدرت انك تقوله ( بحبك )لكن تعالى نشوف بقى اللي بيحب من طرف واحد و متعذب أنا عن نفسي دايما بشبه اللي بيحب من طرف واحد ب ( الكبّاية ) اللي بتتملي على آخرها واللي فيها يقع على الأرض وترجع تتملي على آخرها واللي فيها يقع على الأرض وتفضل على كده إلى ما لا نهاية دون جدوى ، سوري طبعا على تشبيهي ده بس ليه انا قلت كده ، لإن اللي بيحب من طرف واحد ده مليان بالمشاعر والأحاسيس الجميلة اللي ماليه كيانه كله وبتزيد يوم بعد يوم ، لكن بالرغم من كل الأحاسيس دي فهو ما يقدرش يصرح بيها للي بيحبه ، تخيل انك بتحب حد بكل كيانك ومش قادر حتى تقوله ( بحبك ) وتفضل عايش مكتفي بإنك بتحبه وبتشوفه من حين لآخر وهي دي الحياة بالنسبة لك ده انت ممكن تقعد لوحدك بالليل تعيط من كتر ما انت حاسس انك بتحبه ونفسك انه يعرف انك بتحبه كل الحب ده وصعبان عليك انك تبقى بتحبه كل الحب ده وهو ما يعرفش عنه حاجه ، ده انت كمان ممكن تكون بتبعيط من كتر ما هو واحشك ومش عارف تشوفه أو تكلمه ، انت حتى مش قادر تسيطر على نفسك وتنساه ، ايه رأيكم لما نقرب المسافة بين اللي عايش قصه حب من طرفين عادي جدا و بين اللي بيحب حب من طرف واحد طيب جربوا كدة لو كل واحد بيحب جرب انه يكون بقاله كتير ما شافش اللي حبيبه [/i]ويكون واحشه جدا جدا جدا ونفسه يجري عليه ويقوله انت وحشتني أوي لكن يمنع نفسه وما يقولهاش أو يكون واقف قدام حبيبه وفي اللحظة دي نفسه موووت انه يقوله ( بحبك ) والكلمة خلاص خارجة من قلبه هتكسر ضلوعه من كتر ماهو حاسس بيها لكن مايقولهاش لانه مش قادر يقولها أو مش عارف يقولها مع انه بيحبه جدا جدا جدا وهو واحشه جدا جدا جدا جدا لكن ................

بجد لو عملتوا كده يمكن تحسوا باللي بيحب من طرف واحد هو فعلا مش هيكون نفس الإحساس بس يعني يمكن يوصل لكم المعنى على الأقل وأكيد ساعتها هتكونوا متفقين معايا انه أصعب إحساس في الدنيا وساعتها برضه كل واحد قدر يحس الإحساس ده هيحاول على قد ما يقدر إنه ما يزعلش حبيبه منه ، بجد حاولوا على قد ما تقدروا إن كل واحد عنده حبيب ما يضيعهوش منه لإنه بجد في نعمة مش ممكن يحس بيها إلا لو اتحرم منها ، انت انك قادر تقول لحبيبك ( بحبك ) دي نعمة مش ممكن تتخيل غيرك بيتمناها قد ايه أو ايه قيمتها عند اللي بيحب من طرف واحد . ربنا يديم على كل واحد بيحب حبه وكل واحد ما بيحبش يحب وكل واحد بيحب من طرف واحد ربنا معاه وحبيبه يحس بيه ويروح يقوله ( بحبك ) .]

.
.
.
.
.
.

[/size]

.

.

تسلم ايدك يا كريزى يا قمر على الموضوع الجميل دة

بجد جامد جدا جدا جدا

حقيقى فعلا الحب من طرف واحد دة عزاب وخنقة وتعب بس الواحد بيبقى حاسس احاسيس حلو اوى

مش بيحسها اللى بيحب حب عادى ..

بس بجد انا بشارك معاكى وبقول يا ريت بجد اللى بيحب حد يكلمة ويصرحو وميخفش

متحولش تخبى مش يمكن كمان هو بيموت فيك ونفسة يكلمك

انسى اى حاجة وروح على اللى بتحبة وقولو احلى كلمة فى الدنيا ((بحبك))

بالتوفيق يا كريزى ومنورة المنتدى كلة يا قمر

موضوع رائع جدا تسلم ايدك واحاسيسك الجميلة اوى دى

بجد انتى شبهتى تشبيه صحيح جدا فعلا اللى بيحب من طرف واحد دا زى الكباية

وبجد موضوع راااااااااااااااااااااائع جدا

مبروك عليكى الاشراف على اجمد قسم فى المنتدى

نورتى<كايرو نت> يا قمر

اولا احب ان ابرك لكى على الاشراف
ثانيا موضوع رائع
انا معكى ان الحب من طرف واحد
هو اسمى معانى الحب وفى تضحيه واخلاص
وهو عذاب لذيذ و............
ولكن يجب على صاحب هذا الحب ان يتخلص من الجبن
اسف من الخجل ويتحلى بشجاعه لمعرفت حقيقه مشاعر الطرف الاخر.

Evil or Very Mad

[color=red]فى هذه الايام الحب الحقيقى كالشباح الكل يتكلم عنه ولا احد رأة[/color]

الحب في هذا الزمن أصابه الفتور نبحث عنه ايام وشهور وعندما نجده ستراه شبح يسكن قلبا مهجور اسمى انواع الحب؟؟؟؟؟؟؟ 178614

حقيقي موضوع رائع فما اصعب الحب من طرف واحد والاصعب ان يكون الطرف الاخر هو ايضا يحب من طرف واحد

» الإنسان قبل الحب.....وبعد الحب.....وعند الحب....
» الحب يتحدث
» أنواع الحب
» أسطورة الحب
» قصه الحب الحقيقى