عدد الرسائل : 673 العمر : 38 الموقع : https://caironet.own0.com تاريخ التسجيل : 21/11/2008
موضوع: حلقات برنامج عريس من على النت (2) الجمعة أغسطس 14, 2009 2:51 pm
الحلقة التانيه
فكرين المرة اللى فاتت وقفنا فين ؟؟
لما ام عفاف اتصلت بالمعلم العنتبلى تبلغو ان بنتو جالها عريس من النت
ودلوقتى هنكمل يلا صوت صورة كاميرا واحد
اكـــــــــشـــــن
حلاوة العنتبلى وبصوت خشن: أيوة مين ؟
الأم : أنا يا معلم
العنتبلى: عاوزة إيه يا ولية ؟؟؟؟؟
الأم: تعالى يا خويا شوف بنتك جايلها عريس من النت
العنتبلى: بتقولى منين ؟؟؟؟؟؟
الأم: من النت يا حاج
العنتبلى: يعنى إيه ؟ فهمينى
الأم: ياخويا لما أفهم أنا ابقى أفهمك
تعالى انت واسألها بنفسك
العنتبلى: ماشى ... هخلص دور الطاولة دة وهاجى علطول
ثم أغلق الموبايل وأخذ يكلم نفسه
نت....!!!! دة يطلع ايه دة كمان؟؟؟؟
تكونشى الولية مراتى اتهبلت ؟؟؟؟؟
بس هى ناقصة هبل ؟ ماهيا كدا كدا مهبولة من يومها سأله صاحبه الذى يلاعبه الطاولة: مالك يا معلم حلاوة ؟ انت بتكلم نفسك ولا ايه ؟
فانتبه المعلم حلاوة وقال: قولى يا زينهم
بما إنك كدا متعلم ومتنور ومعاك تالتة ابتدائى
يطلع إيه النت دة؟؟؟؟؟
طبعا المعلم زينهم اترسم بقى وأخذ وضع فخر وعزة وهو يجيب
وإنت ايه اللي عرفك بالأشكال دى يا معلم ؟؟؟؟
العنتبلى: اهو عرفت وخلاص بقى
زينهم: و يا معلم حلاوة
أنا سمعت مرة البت بنت أخت عمة جار خالتى بتقول انها شافت على النت صور لمذابح بتحصل فى العراق
العنتبلى: ااااااااااااه
يعنى زى تليفزيون كدة يعنى
زينهم: لا يا معلم مش زى التليفزيون
وإنما تقدر تقول عليه جرايد بس بتتشاف على الكمبيوتر
العنتبلى: يا دين النبى
معقولة ياد الجرنال يدخل عالشاشة الصغيرة دى؟؟ طب بيدخلوه ازاى؟؟
زينهم وقال عامل فيها فكيك بقى :
مش فى فتحات ورا فى الشاشة يا معلم
أكيد بيدخلوا الجرنال منها
العنتبلى:أكيد الناس دى فاضية وموراهاش أى حاجة تعملها
زينهم: هو كدة بالضبط يا معلم
بس ليه دة كله؟
العنتبلى: أصل الولية مراتى بتقولى بنتك جايلها عريس من النت
زينهم: ألف مبروك يا معلم
أكيد تقصد ان متقدملها صحفى!!!!!!!!!
العنتبلى وهو مبسوط: بجد ياد يا زينهم؟
زينهم: طبعا يا معلم
ماهو زى ما قلتلك النت عبارة عن جرايد ع الكمبيوتر
يبقى قصدها ان واحد جرنالجى اتقدملها
مبروووك يا معلم
كدة ممكن تعمل دعاية للمحل بتاعك فى الجرنال
وتطلع صورك انت والعجل فى صفحة الحوادث
العنتبلى: طب العب يا وش السعد العب
رمى زينهم الزهر ثم صرخ .......دش
راحت عليك يا معلم cut
انتهت حلقتنا النهارده ياترى ايه اللى هيحصل بعد كده
؟ ؟ ؟ ؟ ؟ ؟ يتبع
عدل سابقا من قبل Admin في السبت أغسطس 22, 2009 11:32 am عدل 1 مرات
crazy engineer ((قمر المنتدى ))
عدد الرسائل : 100 العمر : 35 تاريخ التسجيل : 11/04/2009
موضوع: رد: حلقات برنامج عريس من على النت (2) الأحد أغسطس 16, 2009 11:29 am
تسلم على القصة الجميلة دى بس انت بتثير فضولنا يا ريت نعرف باقى القصة بسرعة فى اقرب وقت اصل بصراحة اسلوبك وانت بتحكى بيخلينا مركزين وعايزين نعرف الباقى ونهاية القصة اية؟ دة طبعا مش جديد عليك دايما منور المنتدى بمواضيعك
Admin 00
عدد الرسائل : 673 العمر : 38 الموقع : https://caironet.own0.com تاريخ التسجيل : 21/11/2008
موضوع: رد: حلقات برنامج عريس من على النت (2) الأحد أغسطس 16, 2009 3:41 pm
تسلمى يا كريزى يا قمر الموضوع نور بيكى
انا بسبها يومين كدة علاشان الاعضاء يشفوها
بس علاشان خطرك وخاطر الفضول اللى عندى
هخليهم 5 هههههههههه
ميرسى على المرور اللى نور الموضوع وديما منورانا كدة بمشركتك يا قمرى
الكابتن المراقب العام
عدد الرسائل : 279 العمر : 43 الموقع : كوكب الارض تاريخ التسجيل : 06/12/2008
موضوع: رد: حلقات برنامج عريس من على النت (2) الأربعاء أغسطس 19, 2009 2:01 pm
هههههههههه ههههههههههههه تسلم يا زعيم على القصه الجامد ده وانا حاسس انها هتغطى على مسلسلات رمضان وياريت العريس ميتقمصش شخصيه ظابط وابو يخش السجن ذى فليم ( على باب الوزير ) لعادل امام
Admin 00
عدد الرسائل : 673 العمر : 38 الموقع : https://caironet.own0.com تاريخ التسجيل : 21/11/2008
موضوع: رد: حلقات برنامج عريس من على النت (2) الأربعاء أغسطس 19, 2009 2:49 pm
هههههههههههههههههه
تسلم يا كابتن على المورو اللى نور الموضوع
ويارب الحلقات تعجبكو وتكون احسن من مسلسلات رمضان
والمعلم حلاوة العنتبلى هو هو متغيرش بس دة المودرن بتاع 2010
والتانى العريس جالو من الباب وكان زميلها فى كلية
انما دة من على النت وزميلها فى الشات والمنتديات ههههههههههههه
احمد جمال ((شاعر المنتدى ))
عدد الرسائل : 82 العمر : 41 تاريخ التسجيل : 30/11/2008
موضوع: رد: حلقات برنامج عريس من على النت (2) الجمعة أغسطس 21, 2009 8:08 am
تسلم يا فنان القصة دي جامدة وعايز اعرف ايه الي حصل الله ينور يا فنان
Admin 00
عدد الرسائل : 673 العمر : 38 الموقع : https://caironet.own0.com تاريخ التسجيل : 21/11/2008
موضوع: رد: حلقات برنامج عريس من على النت (2) الجمعة أغسطس 21, 2009 11:52 am
تسلم يا عم احمد لعى مرورك اللى نور الموضوع
والحلقة الجاية قريب جدا ان شاء الله
ابوعمار .
عدد الرسائل : 174 العمر : 41 تاريخ التسجيل : 13/06/2009
موضوع: رد: حلقات برنامج عريس من على النت (2) السبت أغسطس 22, 2009 2:05 pm
انت عارف يا admin انا خايف اطلع انا العريس واشيل الليله ههههههههههههههههه موضوع جميل وفى تقدم ديما ابو عمار
Admin 00
عدد الرسائل : 673 العمر : 38 الموقع : https://caironet.own0.com تاريخ التسجيل : 21/11/2008
موضوع: رد: حلقات برنامج عريس من على النت (2) الأحد أغسطس 23, 2009 2:12 am
موضوع: حلقات برنامج عريس من على النت (2) 
الجمعة أغسطس 14, 2009 2:51 pm
