الرئيسيةالرئسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 الله يجازيك يا عم عبدالناصر : قصيدة جديدة : الشاعر الكبيرعبدالرحمن الأبنودي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ahwak
عضو جديد
عضو جديد
avatar

ذكر
عدد الرسائل : 22
العمر : 47
تاريخ التسجيل : 15/11/2009

مُساهمةموضوع: الله يجازيك يا عم عبدالناصر : قصيدة جديدة : الشاعر الكبيرعبدالرحمن الأبنودي   السبت نوفمبر 21, 2009 4:14 pm


الله يجازيك يا عم عبدالناصر

الشاعر الكبير
عبدالرحمن الأبنودي


الله يجازيك يا عم عبدالناصر
الليل مليّل
والألم عاصر
لسه اللي بيبيع أمته كسبان
وكل يوم
أطلع أنا الخاسر



أما انت خميت مصر دي خمة
يوم ما ناديت بالعشق للأمة
ورطتنا نعشق خريطة عبيطة
وبشر ما نعرفهاش
وبلاد.. ما بنزورهاش
إلا.. فواعلية وبنايين وسواقين
وخدامين.. وطباخين.. وكناسين
بلاد أسافرها سعيد
ارجع حزين

حبيتها زي ما قلت لي.. واكتر
ع الأجنبي ما استكترتش عليا تستكتر
ع الأجنبي ما اتنقورتْش عليا تتنقور.
تطمع في دمعي
وف تعاسة راتبي.
مُلهم أنا.. واعمل غبي
وادي الألم يا عم عبدالناصر
زاحف وبيحاصر
وآدي الجميع خاسر
وآدي فجر أمتنا الجميل مغلوب
وآدي انتحار الأمة بالمقلوب
وأنا... غريب الدار..
لابسني توب العار
ساكن في وطني بالإيجار



قاعد أنا ع الجسر في القيَّالة
من قلب اللهيب مِنشالة
وقلبي.. ساقية حزن سَيالة
باغني..
ما اعرف مغني والاّ عديد
زي افتكار الميتين.. في العيد.
باعاني وحداني
شياطيني لابساني
والأمة قدامي.. مفارقاني

يا رب...
ما تحببني في الناس الملاح تاني
يا رب
ما ترجعني أعشق
ضحكة اخواني
يا رب
كرهني في أوطاني



ما أخيبك أمَّة
ما أتعسك أمة
لا عقل... ولا همة...
لا مصدقه فعلك
ولا تحفظي كلمة.
أمة.. تدور وتلف..
تقيلة.. مش حتخف
حماسية... وحماسها
بكتيرُه ساعة.. يجف
.
أمة بتتخابِط
أمة بتتعابط
أمة ومالهاش
لا زابط ولا رابط
ولا كبير عيلة
ولا قرابةْ دم
وفكرة وهمية
ما تورث إلاّ الهمّ...
ما تحل عني يا عم
..
إحنا ورثنا كلام
إحنا تاريخنا كلام
علشان كده لما تقول..
علي طول أقول:
وبكام؟؟

ما هو حب؟؟ دبرني
وتاريخ؟.. فكرني
وطريق؟.. نورني
ومصير؟.. بصرني
ده انا بقيت عربي
من قبل ما القي
اللي يمصرني.
أنا انتمائي لأمتي...
ممسخرني
.
محسوبة في الأحزان عليّ
في الفرح تنكرني
ياللي انتي لا أمة
ولا انتي أم..
فيه أم
ما تعرفش ساعة الألم..
تضم؟..


قد ما ننورها
هيه مضلمة
قد ما نعلمها..
مش متعلمة.
كل ليلة بايتة مظلومة
وهيه الظالمة!!
آخرة السكك الوعار
مجد.. متلطخ.. بعار.
قد ما نحجمها...
تفلت م الإطار
!!
السلاح من صنع بره
والكلام من صنع بره
المآكل
الملابس
والهوا البارد في بيتي..
صنع بره.
لا نسجْت الهدمة..
لا زرعْت.. ولا اكتفيت
شفتها.. جريت اشتريت.
جلاّبيتي.. عمامتي.. سجادتي
وحواديت الصغار
والحلاوة: حلوة.. مرة
شغل بره
.
إيه يهم
إن مت من أجل البشر
ولا سبت الديب يصرَّخ
واتغابيت؟...
أو نسيتها؟ أو اتناسيت؟؟..
الشهادة مجانية...
والبطولات...
نفحات استعراضية

والليل مليّل
والألم... عاصر
لسه اللي بيبيع أمته
كسبان..
وكل يوم..
أطلع أنا الخاسر...
الله يجازيك
يا عم عبدالناصر!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
00
00
avatar

ذكر
عدد الرسائل : 673
العمر : 31
الموقع : http://caironet.own0.com
تاريخ التسجيل : 21/11/2008

مُساهمةموضوع: رد: الله يجازيك يا عم عبدالناصر : قصيدة جديدة : الشاعر الكبيرعبدالرحمن الأبنودي   السبت نوفمبر 21, 2009 8:26 pm

الله عليك يا بهوالك يا غالى وقصيدة جامدة جداااااااااا تسلم الايادى

منور يا غالى بمواضيعك الجميلة وبالتوفيق ان شاء الله

Mad Mad Mad cat Mad

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://caironet.own0.com
ahwak
عضو جديد
عضو جديد
avatar

ذكر
عدد الرسائل : 22
العمر : 47
تاريخ التسجيل : 15/11/2009

مُساهمةموضوع: رد: الله يجازيك يا عم عبدالناصر : قصيدة جديدة : الشاعر الكبيرعبدالرحمن الأبنودي   الإثنين ديسمبر 07, 2009 5:17 pm













]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الله يجازيك يا عم عبدالناصر : قصيدة جديدة : الشاعر الكبيرعبدالرحمن الأبنودي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ((المنتدى العام)) :: القسم الادبى-
انتقل الى: