الرئيسيةالرئسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 أخـــر أخبـــار مبـــــاراه مصــــــــــــــر والجـــــــــزائر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ايمان
**
**
avatar

انثى
عدد الرسائل : 100
العمر : 26
تاريخ التسجيل : 20/05/2009

مُساهمةموضوع: أخـــر أخبـــار مبـــــاراه مصــــــــــــــر والجـــــــــزائر   الثلاثاء نوفمبر 17, 2009 12:38 pm

ها إيه أخر أخبار المطش معاكوا تعالوا نشوف مصري ومصراوي ايه أخبار الماتش معاهم


مصري : السلام عليكم .. ازيك يا مصراوي عامل ايه ؟؟


مصراوي : الحمد لله .. أخبارك ؟



مصري : زي الجمهورية ......



مصراوي : أقعد .. عطلنى بهزارك ده خلينى ما ألحقش أروح



مصري : بالراحة علينا شوية.. تروح فين بس ؟



مصراوي : أروح أجيب تذكرة المطش ... بس هنقطعهم يا مصررررررررررري



مصري : هنقطع مين يا عم انت عايش الدور ليه كده ؟



مصراوي : الوقتي تشوف إما قطعناهم



مصري : يا بنى وطي صوتك بلاش فضايح



مصراوي : فضايح ليه .. أنا بقول إيه ؟



مصري : يعني لو حد سمعك وإنت بتقول هقطع أخويا محمد مش تبقى فضايح ؟



مصراوي : بعد الشر وأنا أقول كده ليه !!



مصري : أديك إنت اللي قولت أهو مش الجزائري المسلم ده يبقى أخوك ؟



مصراوي : قصدك إيه بقى ؟



مصري : قصدي نتناقش مع بعض شوية .. دلوقتي إحنا مكبرين الموضوع كده ليه ؟
ايه لازمة ده كله ،، المباراة الفاصلة وعزة مصر ومش عارف ايه .. إيه اللي دخل ده كله فى عِزة مصر يعنى؟



مصراوي : مهو إحنا لو خسرنا المطش ده مش هندخل كأس العالم .. إن شاء الله



مصري : وإيه المشكلة برده إننا ما ندخلش كأس العالم .. مش قضية يعني



مصراوي : مش قضية إزاى !!! ده أنا أعمل حداد لو مدخلناش



مصرى : يا بنى حداد إيه بس هو احنا كنا عملنا حداد لما الرسول ( صلى الله عليه وسلم ) رُسمت فى حقه الرسوم المسيئة ..؟؟؟
ولا كنا عملنا حداد لما أطفال غزة ماتوا .. ؟؟؟
ولا كنا عملنا حداد لما العراق أُحتل .. ؟؟؟
ولا كنا عملنا حداد لما الصينين دبحوا في إخواتنا المسلمين فى كردستان ..؟؟؟
ولا .. ولا



مصراوي : ايه الكلام الكبير أوي ده



مصري : يا مصراوي الأمة مليانة جراح كتييييييييييير واحنا هنا مشغولين بالمطش والمسلسلات التركية وأحدث أغانى



مصراوى : (ووشه محمر من الخجل ) اممممممم .. بس يعنى أهو من باب الترفيه يعنى



مصرى : ماشى يا مصراوى من باب الترفيه ما قولناش حاجة بس من باب الترفيه إنك تكره أخوك المسلم ؟؟



مصراوى : لا مش لدرجة أكرهه يعني ... بس على فكرة بقى هما اللي بدأوا الأول .. هما اللي سمموا اللاعيبة بتاعتنا هناك



مصرى : يا بني إنت بتصدق الكلام ده ؟



مصراوى : أيوة أنا متأكد



مصرى : متأكد منين بقى كنت معاهم .. ؟؟

طب ما المنتخب بتاعنا اتقال عليه اشاعات برده كنا صدقنا عنه حاجة
؟؟




مصراوى : لا طبعاً دول لاعيبتنا


مصرى : وانا كمان ما اصدقش لا طبعاً هما اخواتنا المسلمين .. وبعدين إحنا اتفقنا على ايه




مصراوى :أعوذ بالله من الشيطان الرجيم اللى عايز يوقع بينى وبين اخوانى المسلمين .. يلا اسيبك أنا بقى علشان أروح ألحق أصالح الواد محمود صاحبي الجزائري لحسن احنا دبينا مع بعض خناقة امبارح ..



وبالمرة احاول أحذف الجروب اللى عملته على الفيس بوك وبتاع الياهو برده علشان المطش .. .. وربنا يغفر لنا اللى كنا ناوين نعمله فى المطش .. من رمى .. و و و




مصرى : ماشى يا مصراوى يلا روح ألحق

التوقيع::
فيلسوفه المنتدى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
00
00
avatar

ذكر
عدد الرسائل : 673
العمر : 31
الموقع : http://caironet.own0.com
تاريخ التسجيل : 21/11/2008

مُساهمةموضوع: رد: أخـــر أخبـــار مبـــــاراه مصــــــــــــــر والجـــــــــزائر   الثلاثاء نوفمبر 17, 2009 7:28 pm

تسلم ايدك يا فيلسوفة المنتدى ديما كدة مواضيعك متميزة

بس بردو هنقطعهم Wink Wink Wink

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://caironet.own0.com
 
أخـــر أخبـــار مبـــــاراه مصــــــــــــــر والجـــــــــزائر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ((المنتدى العام)) :: قسم المناقشة الحرة-
انتقل الى: