هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالرئسيةأحدث الصورالتسجيلدخول

 

 أشهر جمل بيقولوها الاب والام في مصر فقط.....

اذهب الى الأسفل 
3 مشترك
كاتب الموضوعرسالة
ايمان
**
**
ايمان


انثى
عدد الرسائل : 100
العمر : 32
تاريخ التسجيل : 20/05/2009

أشهر جمل بيقولوها الاب والام في مصر فقط..... Empty
مُساهمةموضوع: أشهر جمل بيقولوها الاب والام في مصر فقط.....   أشهر جمل بيقولوها الاب والام في مصر فقط..... I_icon10الإثنين أكتوبر 19, 2009 10:10 am

.الجمل دي بتسمعوها كتير ودايما في مصر بس عمرك متلاقيها في اي بلد تانيه

تعالوا شوفوا الجمل يلا::


مشى جاتك مشش فى ركبك


* جتها نيلة الى عايزة خلف تيجى تتفرج .



*ذاكر ياموكوس مش فالح غير فى الهيافه والكلام الفاضى.



* ربنا يرزقك بعيل يوريك اللي ورتهوني.



* هات كيس عيش وانت راجع.



* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .



* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.



* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).


*أوعا حد يضحك عليك ويقولك جرب السيجارة دي.



*ابقى ورينى مين حينفعك فى الاخر من شوية الصيع الى انت مشيلى وراهم .



* قوم اقرا لك كلمتين ينفعوك .



* وطي المدعوق ده شويه .



* انت فاكرنا نايمين على ودانا ؟



*لما ما ترضاش تاكل في البيت:طبعا مانت اتعودت علي اكل بره .



*ياريتك تحفظ دروسك زى مانت حافظ الاغانى.



* عيـــب ... لازم تحترم اللي أكبر منك .



* لو شفت خناقه ما لكش دعوة بيها .



* كريم دا عيل بايظ وماتمشيش معاه تاني .



* مين منى دي انتى كل يوم تصاحبي واحدة جديدة ؟.



* انته مبتكلش جزر ليه .. اجيبلك برتقانه. طب كل سلطه .



* يبني بأسلوبك ده مش هتعيش معاك واحده .



* قومي ساعدي امك ده اللي هيتجوزك أمه داعية عليه.



* اوعى حد غريب يديلك حاجه تاكلها و تشربها و تاخدها منه .



* يا ابني حرام عليك الى بتعمله فينا ده.



* انا سايبالكوا البيت وماشية ومش حتشوفوا وشي تاني .



* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.



* وانت فاكر احنا مستنيين منك حاجه .



* المسلسل مش هينفعك ...قوم .



*ماتقعد يابنى تكمل أكلك , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا )
.



* كفايه رغي في التليفونات .



* كل على مهلك .. وامضغ كويس ... وما تكلش وانت واقف .. وكل من قدامك ما تحفش .



* اطفي التلفزيون وقوم ذاكر ولا و خش اوضتك .



* بلاش تمشى حافى البس شبشب وانته داخل الحمام .



* ما فيش مذاكرة على المزيكا .. وازاى بتذاكر و البتاع ده شغال جنبك .



* افرد ظهرك .



* لم شراباتك.



* ماتكلش فى ضوفرك.



* كنت فين لحد دلوقتى يا صايع.



* ماتتأخرش علشان عندك كلية بكرة بدرى.



* انا مش عارف انته طالع لمين.



* انا : ياماما بقه ايه ده ؟؟؟
ماما:مووو لمـا يــــــخدك .



* ادلعى ياهبة فى ايامك المهببة .


* ده منظر اودة بني آدم ، انت عايش فيها ازاي؟.



* هو انا الخدامه الى ابوكم جبهلكم .



* الى يطلع من الاوضه يطفى النور وراه .



*أبوك عندك أهو اتصرف معاه .



* اللي بيشيل قربه مخرومة بتخر عليه لوحده ..



* لو مش فاهم حاجه ارفع ايدك و قول للأستاذ مش فاهم .. متتكسفش .



* البس فنله قطن تحت ودفي سدرك ودخل التيشرت في بنطلون البيجامه وانته نايم .



* يأبنى المذاكره مابتخلص .... نفسى اشوفك مره ماسك كتاب.



* اعمل حسابك مش حندخلك جامعه خاصه.



* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .



* مالكش دعوة بالسياسة .. وماتمشيش في مظاهرات .و امشي جوا الحيط :d:d .



* احمد ربنا الاكل الى مش عجبك ده فى ناس مش لقينه .



* التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

* قومي سخني الأكل لأخوكي.



* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .


* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.


* و أخيرا ::


ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا ( ٌٌقال يعنى كان بيعرف يركذ والناس ماشيه حوليه فى الشارع )
____
_هي دي الاباء والامهات ولا بلاش يارب يعجبكم الموضوع Wink Wink

التوقيع::فيلسوفه المنتدى
الرجوع الى أعلى الصفحة اذهب الى الأسفل
Admin
00
00
Admin


ذكر
عدد الرسائل : 673
العمر : 38
الموقع : https://caironet.own0.com
تاريخ التسجيل : 21/11/2008

أشهر جمل بيقولوها الاب والام في مصر فقط..... Empty
مُساهمةموضوع: رد: أشهر جمل بيقولوها الاب والام في مصر فقط.....   أشهر جمل بيقولوها الاب والام في مصر فقط..... I_icon10الثلاثاء أكتوبر 20, 2009 8:04 pm

ههههههههههههههههههههههه

يعنى لازم تشردينا كدة يا ايمان

ما احنا عارفين اللى بيتقال والحمد لله

تسلم ايدك يا فيلسوفة المنتدى على التوبيك والفرفشة الحلوة دى

فى تقدم ديما يا قمر ان شاء الله


Crying or Very sad alien Crying or Very sad
الرجوع الى أعلى الصفحة اذهب الى الأسفل
https://caironet.own0.com
الكابتن
المراقب العام
المراقب العام
الكابتن


ذكر
عدد الرسائل : 279
العمر : 43
الموقع : كوكب الارض
تاريخ التسجيل : 06/12/2008

أشهر جمل بيقولوها الاب والام في مصر فقط..... Empty
مُساهمةموضوع: رد: أشهر جمل بيقولوها الاب والام في مصر فقط.....   أشهر جمل بيقولوها الاب والام في مصر فقط..... I_icon10السبت أكتوبر 24, 2009 6:46 am

نايس توبيك تسلم ايدك
بس هى الدول الاخرة ما بيتقلش فيها

هات كيس عيش وانت راجع.

عيـــب ... لازم تحترم اللي أكبر منك

اوعى حد غريب يديلك حاجه تاكلها او تشربها او تاخدها منه .

ماتتأخرش علشان عندك كلية بكرة بدرى.

الى يطلع من الاوضه يطفى النور وراه .


انا شايف ان كل ده عادى بيتقال فى اى دوله فى العالم
الرجوع الى أعلى الصفحة اذهب الى الأسفل
https://caironet.own0.com
 
أشهر جمل بيقولوها الاب والام في مصر فقط.....
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ((المنتدى العام)) :: قسم الفرفشة-
انتقل الى: