صلاح جاهين (في حب مصر)

جو كل واحد فينا شيء جميل

لازم يعرف ان هي دي مصر
وعلي الرغم انهم بيبعدونا عن القضية
الا ان القضية جونا وجوا كل شي حلو فينا
هو ده صلاح جاهين الضحك كان اسلوب بيعيش بيه الحياة
بش هو حياته

على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على اسم مصر
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
ان مصر عمرها مهتعرف الذل

منور يا عم احمد المنتدى ويارب يكون عجبك يا جميل
وديما كدة متحرمناش من مواضيعك الجميلة دى

تسلم يا حبيب قلبى على موضوعك الرائع والى لأمام

تسلم يا احمد

مواضيعك مميزة واختياراتك جميلة

ربنا يوفئك

الله عليك يا احمد

وعلى حسن اختيارك

فصلاح جاهين هو مصر

بمعانيها الحلوة والمرة

الله عليك يا جميل

ومنور المنتدى بشغلك الرائع

» رمضان منور (صلاح جاهين )
» ربعيات صلاح جاهين( الجزء الثاني )
» ربعيات صلاح جاهين ( لعشاق الشعر العامية )