الرئيسيةالرئسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 ربعيات صلاح جاهين ( لعشاق الشعر العامية )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احمد جمال
((شاعر المنتدى ))
((شاعر المنتدى ))


ذكر
عدد الرسائل : 82
العمر : 34
تاريخ التسجيل : 30/11/2008

مُساهمةموضوع: ربعيات صلاح جاهين ( لعشاق الشعر العامية )   الثلاثاء أغسطس 18, 2009 6:42 pm

طبعا عم صلاح جاهين بش محتاج تعريف
وحبيت اقدم ليكم اجمل ما كتب رباعيات صلاح چاهين
واتمني ان الموضوع ينول أعجبكم

رباعيات صلاح چاهين

===============
خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!
===============
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
===============
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!
===============
و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!
===============
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
===============
يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!
===============
أحب أعيش ولو في الغابات
أصحي كما ولدتني أمي و ابات
طائر .. حوان.. حشرة .. بشر ..بس أعيش
محلا الحياة.. حتي في هيئة نبات
عجبي !!
===============
سهير ليالي و ياما لفيت و طفت
و ف ليه راجع في الضلام قمت شفت
الخوف ... كأنه كلب سد الطريق
و كنت عاوز أقتله .. بس خفت
عجبي !!
===============
كان فيه زمان سحليه طول فرسخين
كهفين عيونها و خشمها بربخين
ماتت لكين الرعب لم عمره مات
مع إنه فات بدل التاريخ تاريخين
عجبي !!
===============
عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!
===============
رقبه قزازة و قلبي فيها انحشر
شربت كاس و اتنين و خامس عشر
صاحبت ناس م الخمرة ترجع وحوش
و صاحبت ناس م الخمرة ترجع بشر
عجبي !!!!
===============
ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!
===============
ورا كل شباك ألف عين مفتوحين
و انا وانتي ماشيين يا غرامي الحزين
لو التصقنا نموت بضربة حجر
و لو افترقنا نموت متحسرين
عجبي !!!
===============
نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!
===============
علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
عجبي !!
===============
انا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي !!!
===============
ينبوع و في الحواديت أنا سمعت عنه
إنه عجيب .. و ف وسط لهاليب لكنه
شقيت كما الفرسان طريقي .. لقيت
حتي الخنازير و الكلاب شربوا منه
عجبي !!!!
===============
يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
عجبي !!!
===============
شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!
أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!
===============
إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!
===============
إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!
===============
يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!
===============
في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبي !!!
===============
الفيلسوف قاعد يفكر سيبوه
لا تعملوه سلطان و لا تصلبوه
ما تعرفوش إن الفلاسفه يا هوه
اللي يقولوه بيرجعوا يكدبوه
عجبي !!!
===============
علي بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !!
===============
إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!
===============
نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!
===============
- يا نجم .. نورك ليه كده بيرتجف ؟
هو انت قنديل زيت ؟ أو تختلف
- أنا نجم عالي .. بس عالي قوي
و كل ما انظر تحت اخاف انحدف
عجبي !!!!
===============
السم لو كان في الدوا منين يضر ؟
و الموت لو عدونا .. منين يسر؟
حط القلم في الحبر و اكتب كمان
.. و العبد للشهوات .. منين هو حر؟
عجبي !!!
===============
وقفت بين شطين علي قنطــــــــــــــــــرة
الكدب فين و الصدق فيـــــــــــن يا تري
محتار ح اموت .. الحوت خرج لي وقالي
هو الكلام يتقــــــــــــاس بالمســـــــــــطرة
عجبي !!!
===============
سرداب في مستشفي الولاده طويل
صرخات عذاب ورا كل باب وعويل
.. وفي الطــــــريق متزوقين البنات
متزوقـــــــــــــين للحب و المواويل
عجبي !!
===============
الدنيا أوده كـــــــــــبيره للانتظار
فيها ابن أدم زيه زي الحـــــــمار
الهم واحد .. و الملل مشــــــترك
و مفيش حمار بيحاول الانتـــــحار
عجبي !!
===============
أيوب رماه البين بكل العـــــــــلل
سبع سنين مرضان وعنده شلل
الصــــبر طيب .. صبر أيوب شفاه
بس الأكـــــــــاده مات بفعل الملل
عجبي !!!
===============
نسمة ربيع لكن بتكوي الوشـــــــوش
طيور جميلة بس من غير عشـــوش
قلوب بتخفق إنما وحـــــــــــــــــدها
هي الحياه كده .. كلها في الفاشوش
عجبي !!!!
[/
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
00
00


ذكر
عدد الرسائل : 673
العمر : 31
الموقع : http://caironet.own0.com
تاريخ التسجيل : 21/11/2008

مُساهمةموضوع: رد: ربعيات صلاح جاهين ( لعشاق الشعر العامية )   الأربعاء أغسطس 19, 2009 12:11 am

ولله صلاح جاهين دة ملوش حل

والعمية فى اسلوبو بجد بتخلى الكلام يدخل القلب على طول

تسلم يا عم احمد يا جميل على ربعياتت عمنا صلاح جاهين

وديما كدا منورنا بمواضيعك وشعرك اللى ملوش حل

بالتوفيق يا شاعر المنتدى Mad alien Mad

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://caironet.own0.com
الكابتن
المراقب العام
المراقب العام


ذكر
عدد الرسائل : 279
العمر : 36
الموقع : كوكب الارض
تاريخ التسجيل : 06/12/2008

مُساهمةموضوع: رد: ربعيات صلاح جاهين ( لعشاق الشعر العامية )   الأربعاء أغسطس 19, 2009 11:43 am

شكر كبير جدآ يا احمد على اختيارك وزوقك الرفيع






لو فيه سلام في الأرض وطمان و أمن

لو كان مفيش و لا فقر و لا خوف جبن

لو يملك الانسان مصير كل شـــــــــــئ

انا كنت اجيب للدنيا ميت ألف ابــــــــــن

عجبي !!




عينى عليك ياعم جاهين
اخر حلاوة واخر جمال
كل الدنيا بتحييك وتقولك اخر تمام
هنفضل نتعلم منك ومهما نقول دايما نتمنى نوصلك
دا انتا ياعم قاموس
كلامك حكم واشعارك شفى يهدى النفوس
الله عليك يا صلاح ليك فى كل حاجه شقاوة وحب وسياسه
عشت زمانك وزمنا وكلامك هيعيش للاجيال الجايه
بهدى لروحك احلى تحيه
وبقولك لو كنت ويانا كنت ياما تعترض على دنيانا كنا هنسمع منك كتيررررررررر
كنت هتقول راح فين الضمير وليه العمر مابيقفش عند مولنا الرئيس دا حتى لو مات يا صلاح جاى وراه التقيل
يلا خلينا سكتين
ولو مكانك هختار مكانك
والله عايش فى امااااااااان
الله عليك يا عم جاهين

mk

Mad Mad Mad

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://caironet.own0.com
احمد جمال
((شاعر المنتدى ))
((شاعر المنتدى ))


ذكر
عدد الرسائل : 82
العمر : 34
تاريخ التسجيل : 30/11/2008

مُساهمةموضوع: رد: ربعيات صلاح جاهين ( لعشاق الشعر العامية )   الخميس أغسطس 20, 2009 12:36 pm

نورت الموضوع يا محمد يا فنان
والتواصل مع شعر صلاح جاهين والعامية بكل رودها
لسة منتهاش الجزء الثاني من الربعيات في الطريق
وبقيت الاجزاء ان شاء الله
وطبعا مفيش علي تعليقك كلام احلي من ده
إنشد يا قلبي غنوتك للجمــــــــــــــــــال
و ارقص في صدري من اليمين للشمال
ما هوش بعيد تفضل لبكره سعيــــــــــد
ده كل يوم فيه الف الف احتمـــــــــــــال
عجبي
بعد التعليق الغالي ده مينفعش الواحد يقول غير كدة
زي عم صلاح جاهين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احمد جمال
((شاعر المنتدى ))
((شاعر المنتدى ))


ذكر
عدد الرسائل : 82
العمر : 34
تاريخ التسجيل : 30/11/2008

مُساهمةموضوع: رد: ربعيات صلاح جاهين ( لعشاق الشعر العامية )   الخميس أغسطس 20, 2009 12:41 pm

الله عليك انت كمان يا كوتش
الجزء الثاني من الربعيات في الطريق
وتعليقك علي الموضوع يا كوتش ملوش حل
والكلام ده منفعش حد يرد عليه الا صلاح جاهين ويقول:


غمست سنك في السواد يا قلـــــــــــــــم
عشان ما تكتب شعر يقطر ألــــــــــــــــم
مالك جرالك إيه يا مجنون ... و ليــــــــه
رسمت ورده وبيت و قلب و علـــــــــــم
عجبي !!!
نورت الموضوع يا كوتش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ربعيات صلاح جاهين ( لعشاق الشعر العامية )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ((المنتدى العام)) :: القسم الادبى-
انتقل الى: